Կինոմատոգրաֆիայի 20 գլուխգործոց, որոնք անթերի ճաշակ են զարգացնում

Կինոարվեստը հասկանալու համար անհրաժեշտ է հաշվի առնել որակի գնահատման մի քանի չափանիշներ։ Ձեզ ենք ներկայացնում ֆիլմեր, որոնք պետք է դիտեն բոլոր նրանք, ովքեր ցանկանում են զարգացնել կինոարվեստի իրենց ճաշակը։
Այս ցանկում հայտնվել են ոչ միայն դասական, այլև ժամանակակից ֆիլմերի օրինակներ, որոնք հանդիսանում են գերազանց դերասանական խաղի ու պրոդյուսերական աշխատանքի օրինակներ։

One Flew Over the Cuckoo’s Nest

Հույս ունենալով խուսափել բանտարկությունից՝ Ռենդլ Պատրիկ Մակմերֆին խելագար է ձևանում ու հոգեբուժարան ընկնում, որտեղ ամեն ինչ կառավարում է սառնասիրտ բուժքույր Միլդրեդ Ռենչելը։ Մակմերֆին չի կարողանում հաշտվել այն մտքի հետ, որ բոլորը հարմարվում են դրան, ու որոշում է ընդվզել. միայնակ։

Bom yeoreum gaeul gyeoul geurigo bom

Ոչ ոք չպետք է փորձի փոխել տարվա եղանակների փոփոխությունը։ Դրանց գալու հետ մեկտեղ հոգին լցվում է էներգիայով, որն ինչպես ներշնչանքի, այնպես էլ ողբերգության զգացում է առաջացնում։ Կարևորն այն է, որ դրանք չեն կարող դուրս գալ կյանքի, ցանկությունների, տառպանքի ու կրքի շրջապտույտից, որոնց դատապարտված ենք բոլորս։

Once Upon a Time in America

Թեժ 20-ականներին, երբ Ամերիկան ուրախանում էր ջազի նոտաների տակ, ու յուրաքաչյուր շրջմոլիկ երազում էր միլիոնատեր դառնալու մասին, Նյու Յորքի ետնախորշերում հանդիպեցին մի քանի հանդուգն երիտասարդներ։ Իրենց ճանապարհից մրցակիցներին հեռացնելով, անխղճորեն պատժելով դավաճաններին ու սրիկայաբար սրամիտ խարդախություններ անելով՝ նրանք դարձան հանցավոր աշխարհի ոսկե դարաշրջանի «չոր օրենքների» արքաները։

To Kill a Mockingbird

Ֆիլմն Ալաբամայից մի իրավաբանի մասին է, ով առանց մոր դաստիարակում է իր երեխաներին։ Բացի ռասայական թեման արծարծելուց՝ այս ֆիլմը նաև այն մասին է, թե ինչպես են երկու երեխաներ իրենց առաջին քայլերն անում դեպի աշխարհ, որտեղ ձևավորվում են այնպիսի հասկացություններ, ինչպիսին կարեկցանքը, արդարությունն ու անհավասարությունն են։

Lawrence of Arabia

Ֆիլմ Առաջին աշխարհամարտի լեգենդար հերոս, անգլիացի հետախույզ Թ. Է. Լոուրենսի մասին, ով գործում էր արաբական ցեղերի մեջ և առաջնորդում նրանց թուրքերի դեմ արշավում։

Cool Hand Luke

Լյուքը բազմաթիվ անգամներ փորձության է ենթարկել իր ճակատագրի ամրությունը, և բանտը դարձավ հերթական փորձարկումը, որն, ինչպես երևում է, նա փնտրում էր։ Բանտից երեք անգամ փախուստը, երեք ձերբակալություններն ու երեք դաժան պատիժները չեն կոտրել նրա կամքի ուժը, նա մյուս բանտարկյալների համար հերոս է դարձել, միայնակ հերոս, ով իրեն համակարգի դեմ է հանել...

The Maltese Falcon

Մասնավոր դետեկտիվ Սեմ Սպեյդը «փոքրիկ բազեի» թանկարժեք արձանիկի առեղծվածային անհետացման մահացու որս է սկսում։

Singin’ in the Rain

Այս լեգենդար ֆիլմի նկարահանման հիմքում բրոդվեյի շոուների համար գրված տասնյակ երգերն են։ Համր կինոյի հանրահայտ աստղ Դոն Լոկվուդը հիշում է այն մասին, թե ինչպես է նա փառքի հասել... սակայն երջանկությունը լքում է նրան. սկսվում է ձայնային ֆիլմի դարաշրջանը։

Собачье сердце

Պրոֆեսոր Պրեոբրաժենսկին համարձակ գիտափորձեր է անցկացնում՝ փորձելով Շարիկ շանն իրեն ամեն ինչով հավասար մարդու վերածել։ Արդյունքում ստացվում է ոմն Շարիկովը։ Ցավոք, գիտափորձը հաստատում է, որ շունն ավելի լավ է շուն մնա։

Good Will Hunting

20-ամյա վունդերկինդ Ուիլ Հանթինգը միշտ գլխացավանքի մեջ է ընկննում։ Եվ երբ նրան ձերբակալում են հերթական ծեծկռտուքի համար, մաթեմատիկայի պրոֆեսորը նրան իր խնամքի տակ է առնում։

It Happened One Night

Էլլին միլիոնների ժառանգորդ է, ով պատրաստվում է ամուսնանալ օդաչու Քինգ Վեսլիի հետ, բայց նա հայրը, ով դեմ է նրանց ամուսնությանը, աղջկան փակի տակ է պահում։ Նրան, սակայն, հաջողվում է փախչել, ու նա ավտոբուսով Նյու Յորք է մեկնում իր սիրեցիալի մոտ։ Այդ նույն ավտոբուսում է գտնվում նաև հենց նոր գործից ազատված լրագրող Պիտերը, ում չափազանց շատ է անհրաժեշտ սենսացիա։ Ի դեմս փախուստի դիմած ժառանգորդուհու, ում փնտրում է ոստիկանությունը, ճակատագիրը ժպտում է նրան։

L.A. Confidential

Բարի գալուստ Լոս Անջելես՝ իր վառ արևով, լայն գրավիչ լողափերով ու ծաղկող կազմակերպված հանցավորոությունով։ Մաֆիայի պարագլխի  ձերբակալությունից հետո մեկը մյուսի հետևից սպանվում են նրա օգնականները, ովքեր փորձում են գրավել հանցավոր աշխարհի պարագլխի ազատված տեղը։

Casablanca

Հայրենիքը թողած ամերիկացի Ռիկ Բլեյնը, ում պատկանում է Կասաբլանկայի խաղային ակումբը, պատահաբար հանդիպում է երկար տարիներ առաջ իրեն լքած սիրելիին՝ Էլիզային։

Unforgiven

Նախկին սառնասիրտ մարդասպան Ուիլյամ Մունիի պատմությունը, ով իր մեջ ուժ է գտել վերջ դնել իր կեղտոտ անցյալին։ Նա ֆերմեր է դարձել ու ընտանիք կազմել։ Սակայն ամեն ինչ այնպես չի դասավորվում, ինչպես ցանկալի էր...

City Lights

Փոքրիկ թափառաշրջիկը հանդիպում է գեղեցիկ կույր աղջկա, ով ծաղիկներ է վաճառում փողոցում և շփոթվելով նրան հարուստ դքսի տեղ է դնում։ Իմանալով, որ վիրահատությունը կարող է վերադարձնել աղջկա տեսողությունը՝ փոքրիկ թափառաշրջիկը սկսում է փող գտնելու միջոցներ փնտրել։

Il buono, il brutto, il cattivo

Քաղաքացիական պատերազմի թեժ շրջանում առեղծվածային հրաձիգ է հայտնվում, ով շրջում է վայրի արևմուտքի ափերով։ Նա չունի ո՛չ տուն, ո՛չ ընկերններ, ո՛չ ընկերակիցներ, մինչև որ հանդիպում է երկու անծանոթների, ովքեր իր նման անգութ ու ցինիկ են։ Նրանք ստիպված են միացնել իրենց ուժերը  ոսկու փնտրտուքների գործում, սակայն միասնական աշխատանքն ամենաանհարմար զբաղմունքն է այսպիսի տխրահռչակ ավազակների համար։

It’s a Wonderful Life

Ջորջ Բեյլին կրեդիտային ընկերության սեփականատեր, ազնիվ, կարեկից, հոգատար հայր ու ամուսին է, ով, ճնշված լինելով անհաջողություններից, մտածում է ինքնասպանության մասին։ Եվ երկնքից նրան օգնող հրեշտակ են ուղարկում, ով որոշում է Ջորջին ցույց տալ աշխարհը, որն առանց նրա է։

Il bisbetico domato

Կանանց ընկերակցությունը կտրականապես չընդունող կոպիտ ֆերմերը բավականին երջանիկ ու բավարարված է իր միայնակ կյանքով։ Սակայն անսպասելի նրա կյանքում հերոսուհի է հայտնվում՝ փորձելով փոխել ու հմայել նրան։

Тот самый Мюнхгаузен

Կոմիկական ֆանտազիա բարոն Մյունհաուզենի կյանքի, սիրո ու մահվան մասին, ով ապրում էր 18-րդ դարում ու դարձավ շատ զվարճալի գրքերի ու ավանդույթների հերոսը։

Alien

Հեռավոր ապագայում Երկիր մոլորակ վերադարձող բեռնատար տիեզերանավն անհայտ մոլորակից արտազատվող անհայտ ծագման ազդանշան է ստանում։ Անձնակազմը որոշում է կայացնում վայրէջք կատարել ու փորձել հասկանալ, թե ինչ է դա։ Հայտնվելով մոլորակի վրա՝ տիեզերագնացներն ամենուր անհայտ առարկաներ են հայտնաբերում, որոնք արտաքինից հսկայական բոժոժներ են հիշեցնում։