«Իսլամական պետություն» կոչեցյալ չարիքը կարող է սպառնալիքի տակ դնել նաև մեր երկրի շահերը. Գորիկ Հակոբյան
11:10 , 19 դեկտեմբեր, 2015
2015 թվականի ընթացքում Հայաստանի Ազգային անվտանգության ծառայության հետախուզության աշխատանքի կարևոր ուղղություններից է եղել մերձավորարևելյան տարածաշրջանում, հատկապես Սիրիայում ստեղծված պատերազմական իրավիճակի պայմաններում հայ համայնքի անվտանգության ապահովմանը հնարավորինս օժանդակելը: Այդ մասին դեկտեմբերի 18-ին, Հայաստանի Հանրապետության ազգային անվտանգության մարմինների աշխատողի օրվան նվիրված հանդիսավոր նիստում հայտարարել է ԱԱԾ տնօրեն, գեներալ-գնդապետ Գորիկ Հակոբյանը։Նրա խոսքով, Մերձավոր Արևելքում տեղի ունեցող արյունալի զարգացումներն այսօր անհնար է շրջանցել: