Մինսկի համաձայնագրի գծով առաջընթացը բավարար չէ. ՌԴ-ի դեմ պատժամիջոցները կշարունակվեն. Մոգերինի

Մինսկի համաձայնագրի գծով առաջընթաց կա, սակայն այն բավարար չէ, այդ պատճառով էլ ՌԴ-ի հանդեպ պատժամիջոցները կերկարաձգվեն: Այդ մասին երկուշաբթի օրը ԵՄ ԱԳՆ ղեկավարների մակարդակով անցկացված խորհրդի նիստում հայտարարել է Ֆեդերիկա Մոգերինին:

«Մինսկի համաձայնագրի իրագործման գծով մենք ճիշտ ճանապարհի վրա ենք, սակայն առաջընթացը դեռևս բավարար չէ, այդ պատճառով էլ ՌԴ-ի դեմ պատժամիջոցները կշարունակվեն»,- ասել է նա:

Նա նաև նշել է, որ դրանով հանդերձ Ռուսաստանի դեմ պատժամիջոցները չեն խանգարում ԵՄ և ՌԴ փոխհամագործակցությանը, որպես օրինակ նա նշել է Իրանի միջուկային ծրագիրը և սիրիական ճգնաժամը: