Այս պահին ո՛չ մեր կողմից, ո՛չ իշխանության կողմից կոալիցիա կազմելու առաջարկություն չկա. Արծվիկ Մինասյան

Tert.am-ը գրում է.

 

 

- Ո՛չ, չենք քննարկել:

 

- Մտադրություն, ցանկություն կա՞ իշխանությունների հետ կոալիցիա կազմելու:
 

- Մենք մեր ցանկությունը, մեր հնարավորությունները կապում ենք փոփոխությունների հետ: Եթե մեր կողմից պաշտպանվող փոփոխությունները պետք է կյանքի կոչվեն ու դրա համար անհրաժեշտ կլինի Դաշնակցության աջակցությունը՝ անկախ նրանից, թե ինչպես դա կլինի՝ իշխանության մեջ մտնելով, իշխանության հետ համագործակցելով, կոալիցիայով, մենք դրանից չենք խորշում: Մենք սահմանադրական փոփոխությունների հարցում ունեցել ենք բավական սերտ համագործակցություն, առանձին հարցերի վերաբերյալ ունեցել ենք միատեսակ մոտեցումներ, եղել են հարցեր, որոնց վերաբերյալ տարբերակված մոտեցումներ են եղել: Սահմանադրական փոփոխությունների տեքստը կարող է կյանք դառնալ, եթե շարունակվի այս գործընթացը, այսինքն՝ աշխատենք միասին, որովհետև մեծածավալ աշխատանքը նոր է սկսվում, այն պահանջում է համատեղ աշխատանք: Բայց սա, սակայն, չի նշանակում, որ համատեղ աշխատանքը անպայման պետք է տեղի ունենա միայն կոալիցիայի միջոցով, ամենևին ոչ: Մենք մեզ երբեք չենք կաշկանդում վատը, բացասականը արձանագրելու իրավունքից:
 

- Նկատի ունեք ստանձնել պատասխանատվություն առանց կոալիցիային մաս կազմելո՞ւ:
 

- Մեզ համար պատասխանատվությունը ժողովրդի, պետության առաջ է, ոչ թե այս կամ այն ուժի կամ անձի: Հետևաբար, այս տեսանկյունից, մենք արդեն իսկ ստանձնել ենք պատասխանատվություն, երբ սահմանադրական փոփոխությունների տեքստը ընդունելի ենք համարել ու համարել ենք, սահմանադրական փոփոխությունների տեքստը կյանքի կոչելը յուրաքանչյուր դաշնակցականի պատվի հարցն է: Անկախ նրանից՝ կլինենք իշխանության մեջ, թե ոչ, մենք պետք է փորձենք սահմանադրական այս տեքստը, դրույթները կյանքի կոչենք: Որ դեպքում ավելի արդյունավետ կլինի՝ կապված է նաև մեր դիմացի կողմի պահվածքից:

 

- Իսկ ի՞նչ է հուշում իշխանության պահվածքը: Իրենք ուզո՞ւմ են ՀՅԴ-ի հետ աշխատել:
 

- Այդ ցանկությունները պետք է առաջարկի տեսքով ձևակերպվեն: Այս պահին ո՛չ մեր կողմից, ո՛չ իրենց կողմից առաջարկություն չկա:

 

- Նախ ասեմ, որ բացարձակ այդպես չէ, որ խորհրդարանական կառավարման համակարգն ամենաժողովրդավարն է: Մենք ասել ենք, որ այն իրավիճակում, այն մշակութային արժեքներ կրող հասարակությունում, ինչպիսին Հայաստանն է, ամենաարդյունավետ կառավարումը խորհրդարանականն է:
 

Ինչ վերաբերում է այս կամ այն անձի հետագա պաշտոնին, ապա մենք այդպիսի ո՛չ ցանկություն, ո՛չ մտադրություն, ո՛չ կանխատեսում չենք կարող ունենալ: Ամեն անձ ինքն է իր ցանկությունների տերը: Բայց դա չի նշանակում, որ իր մտածածը, իր ցանկությունը բացարձակ ճշմարտություն է բոլորի համար, կամ անպայմանորեն իրականացվող դրսևորում պետք է լինի: Ակնհայտ է, որ այն փոփոխությունները, որոնք կան նոր Սահմանադրության մեջ, պահանջում են մեծածավալ աշխատանք, որտեղ պարտադիր պետք է ներգրավվեն քաղաքական բոլոր ուժերը: Նրանք, ովքեր իրենց մի կողմ դնեն այս աշխատանքից, նշանակում է, որ չեն ցանկանում, որ երկրում իրական, համակարգային փոփոխություններ լինեն:

 

Տեսեք, ասում եք, որ Սերժ Սարգսյանը չհերքեց... Ի՞նչ է, ամեն անգամ պետք է մարդը երդում ուտի, որ չի անելու մի բան, որի մասին արդեն ասել էր, որ չի անելու: Իսկ ի՞նչ էր ձեզ տալու, որ նորից ասեր՝ այո: Ի՞նչ է, դադարելո՞ւ էին այս խոսակցությունները: Ինքն այն ժամանակ ասաց՝ ցանկություն չունեն, բայց խոսակցությունները չդադարեցին:  Եվ մի կարևոր հանգամանք. այսօրվանից կանխատեսել, թե ինչ է լինելու 2017թ.-ին, նշանակում է, որ դուք ՀՀԿ-ին հենց այսօր արդեն շնորհել եք 50 տոկոսից ավելին: Ես այս մոտեցման հետ համամիտ չեմ: Նրանք, ովքեր Նախագահ Սարգսյանի վարչապետության հարցը դիտարկում են, դիտարկում են փաստորեն այն կանխավարկածից, որ ՀՀԿ-ն շարունակելու է խորհրդարանում մեծամասնություն մնալ:
 

Այսինքն՝ դուք ընդունում եք սա իրողություն, ժողովրդին ուղարկում եք անհուսության գիրկը, որ այս երկրում հնարավոր չէ իշխանության փոփոխություն: Եթե անձը գալիս է իշխանության ազատ ընտրությունների միջոցով, նրան մի վարկաբեկեք, թիրախ մի դարձրեք, նրան թիվ մեկ թշնամի մի դարձրեք ու հարձակում գործեք: Ձեր գլխավոր թիրախը, երբ այս սահմանադրական փոփոխություններն իրողություն են, այլևս ընտրական համակարգը պետք է լինի:
 

- Խնդիրը նրանում է, որ ընդդիմությունը չի համարում Սերժ Սարգսյանին ազատ արդար ընտրություններով ընտրված, իսկ սահմանադրական հանրաքվեն գնահատում է որպես կեղծված, որին մասնակցել են արջի ծառայություններ մատուցողները:
 

- Արջի ծառայություններ չէ, ես առանձին դեպքերում կարող եմ համեմատել նրանց այն կթան կովերին, ովքեր կաթը տալիս են հետո կաթով դույլը ոտքով թափում են: Եթե իվիճակի չես ապահովել քո կողմնակիցների այս կամ այն քվեարկության կողմնորոշումը, իվիճակի չես համոզել մարդկանց՝ քո հեղինակության հաշվին, նշանակում է, որ անիմաստ է քո ծառայությունը: Իսկ ընտրական այսօրվա համակարգը խրախուսում է հենց այս տեսակը: Խնդիրը համակարգի մեջ է՝ անկախ նրանից, թե ով կլինի իշխանություն: Ձեր կարծիքով՝ այսքան ընտրությունները, որ եղել են, անցել են ազա՞տ, արդա՞ր, թափանցի՞կ միջավայրում: Ընտրությունների ժամանակ քանի՞ անձ է փոխվել, բազմաթիվ, բոլորին մեղադրել են, բայց ոչ մեկ չի ասում, թե համակարգն է մեղավորը: 91թ.-ին ազատ, արդար ընտրություններով եկավ նախագահը, հետո նույն մարդն էր, Գերագույն խորհրդի նախագահ էր, դարձավ երկրի նախագահ: Ինչո՞ւ 95-ին 96-ին այլանդակվեց: Նույն մարդն էր: Ազատ ընտրություններով էր եկել, բա ինչո՞ւ արատավորվեց: Այսօր «Այո»-ն ծնվել է, շատ ծանր ծնունդ է եղել, նույնիսկ ծնվելու պահին արդեն հիվանդոտ է, հիմա պետք է առողջացնենք:

 

- Ի՞նչ առումով է հիվանդոտ: 
 

- Կասկածամտության, հանրային անվստահության միջավայրի հետևանքով, որը ձևավորվել է: Ինչքան էլ ես համոզված լինեմ, որ «այո»-ն անցել է, հասարակության մեծամասնությանն իմ համոզմունքը դեռևս բավարար չէ, չնայած, ես հաշվարկել եմ, որ հնարավոր չէր, որ «այո»-ն չանցներ: