Օրիգինալ աղցան նարնջի մեջ
14:30 , 14 դեկտեմբեր, 2015Բաղադրիչներ
- նարինջ - 3-4 հատ
- հավի ֆիլե - 300 գր
- վարունգ - 200 գր
- աղ - ըստ ճաշակի
- մայոնեզ - ըստ ճաշակի
Պատրաստման եղանակ
- Ֆիլեն խաշում ենք այնքան մինչև պատրաստ լինի (եփել եռալուց հետո 20 րոպե)։ Թողնում ենք՝ սառչի, ապա մանր կտրատում:
Լվանում ենք նարինջը, այնուհետև սովորական կամ ձևավոր մկրատով շրջանագծով զիգզագաձև կտրվածքներ անում։ Նարինջը բաժանում ենք 2 մասի և հանում միջուկը:
- Նարնջի միջուկը կտրատում ենք ոչ մեծ կտորներով (աղցանի մեջ կարող եք օգտագործել միջուկի կեսը)։
Վարունգը կտրատում ենք խորանարդաձև։
Ֆիլեն, նարինջը և վարունգը խառնում ենք իրար հետ։
Համեմում ենք աղով, ավելացնում մայոնեզը և խառնում զանգվածը։
Պատրաստած աղցանը լցոնում ենք նարնջի մեջ։
- Զարդարում ենք աղցանն ըստ ցանկության և մատուցում:
Ինչպես տեսնում եք, մեծ ջանք պետք չէ յուրօրինակ ամանորյա աղցան պատրաստելու համար: