Ահաբեկչության սպառնալիքի պատճառով Ստամբուլում փակվել է ԱՄՆ-ի գլխավոր հյուպատոսարանը

Ինչպես տեղեկացնում է Milliyet թերթի կայքը, պատճառն «Իսլամական պետություն» ահաբեկչական խմբավորման կողմից այնտեղ ահաբեկչություն իրականացնելու սպառնալիքն է:

Հետախուզության տվյալներով պարզվել է, որ ԻՊ-ի հետ կապ ունեցող Մոհամմեդ Ռաղիլ ալ-Հարդանի անունով մահապարտ-ահաբեկիչը մտադրվել է ահաբեկչություն իրականացնել այնտեղ: Պարզվել է, որ ԱՄՆ-ի դեմ ահաբեկչություն իրականացվելու համար մահապարտը սպասել է, որ այնտեղ ժողով անցկացվի:

Հարդանին Թուրքիա է մուտք գործել նոյեմբերի 28-ին: Հետախուզության տվյալներով՝ Հարդանին ծնվել է
1991 թվականին, 165 սմ հասակ ունի, մուգ մաշկ, շագանակագույն աչքեր, իսկ ձեռքերից մեկի վրա վերքի սպի կա: