Շատ ժամանակ քվեարկության ընթացքում խախտումների մասին հաղորդումները կրում են աբստրակտ բնույթ. Կոստանյան

Panorama.am-ը գրում է.

Դեկտեմբերի 6-ին հանրաքվեի քվեարկության ընթացքում Հայաստանի գլխավոր դատախազությունն ստացել է ընտրախախտումների վերաբերյալ 460 հաղորդում: Այդ մասին այսօր լրագրողների հետ հանդիպմանը հայտարարեց գլխավոր դատախազությունում քվեարկության ընթացքում հանցագործությունների գրանցման ու դրանց ընթացքն ապահովելու նպատակով ստեղծված աշխատանքային խմբի ղեկավար Վահագն Մուրադյանը:

Նրա ներկայացրած տվյալներով, 435 դեպքերի կապակցությամբ նախապատրաստվել են նյութեր, 14 դեպքով հարուցվել է քրեական գործ, իսկ 189-ով կայացվել են որոշումներ քրեական գործի հարուցումը մերժելու մասին:

Գլխավոր դատախազ Գևորգ Կոստանյանը շտապեց նկատել, որ ներկայացված տվյալները այս պահի դրությամբ են և դրանք կարող են մի քանի րոպե անց ավելանալ: