Ամանորյա տորթ «Նուրբ Նապոլեոն»
09:51 , 9 դեկտեմբեր, 2015
- Մատուցվում է 1 ժամ անց
- Նախն. ժամանակ՝ 40 րոպե
- Պատրաստման ժամանակ՝ 40 րոպե
Բաղադրիչներ
- Խմորի համար՝
- ձու - 1 հատ
- կարագ - 220գր
- ալյուր - 700գր
- աղ - 3/4թ/գդ
- Կրեմի համար՝
- ձու - 4 հատ
- շաքարավազ - 400գր
- ալյուր - 4ճ/գդ
- կաթ - 1լ
- վանիլին - 10գր
- կարագ - 200գր
- շոկոլադ սև - 30գր
- կոկոսի քերուկ - 30գր
Պատրաստման եղանակ
- Խառնում ենք ալյուրն ու կարագը և, ձեռքերով տրորելով, վերածում ենք փշրանքի:
- Առանձին ամանի մեջ հարում ենք ձուն աղի հետ և ավելացնում ենք այնքան ջուր, որ ստացվի 250մլ զանգված, ապա ավելացնում ենք այդ զանգվածն ալրային փշրանքին, խառնում ենք և հունցում էլաստիկ խմոր:
Պատրաստի խմորը փակում ենք ցելոֆանով և թողնում, որ հանգստանա 30 րոպե:
- Բաժանում ենք խմորը 10-13 գնդի, յուրաքանչյուր գունդ գրտնակում ենք և բացում բարակ, կլոր շերտով, ծակծկում պատառաքաղով, դնում պերգամենտային թղթով պատած տապակի վրա և թխում ջեռոցում 4 րոպե 200 աստիճանում:
- Պատրաստի շերտերը դասավորում ենք իրար վրա:
- Կաթսայի մեջ ձեռքի հարիչով հարում ենք ձուն, շաքարավազն ու ալյուրը, ապա քիչ-քիչ ավելացնում ենք տաք կաթը ու դնում ենք կաթսան միջին կրակի վրա և եփում (անընդհատ խառնելով) մինչև զանգվածի խտանալը:
Պատրաստի կրեմը հանում ենք կրակի վրայից ու թողնում, որ սառչի:
Առանձին ամանի մեջ հարում ենք կարագն ու վանիլինը, ապա ավելացնում ենք եփված զանգվածը և հարում, մինչև ստանանք միատարր զանգված:
- Քսում ենք կրեմը թխված շերտի վրա, ձեռքով սեղմում ենք մի շերտը մյուսին, ապա վրայի շերտի վրա նույնպես քսում ենք կրեմ:
Կրկնում ենք նույն գործողությունը, մինչև շերտերն ավարտվեն, ապա պատում ենք կրեմով ողջ տորթը: - Պատրաստի տորթը զարդարում ենք կոկոսի քերուկով և շոկոլադից պատրաստած նախշերով:
