Բժիշկները կասկածում են, որ պայթյունի հետևանքով վնասվել է զինվորի սրտի պատը

Araratnews.am-ը գրում է.

Դեկտեմբերի 5-ին Ադրբեջանի հրետակոծության հետևանքով ԼՂՀ-ում ականապայթյունային վիրավորում ստացած զինծառայող 20-ամյա Վարազդատ Խաչատրյանը տեղափոխվել է Երևանի Նորք Մարաշ սրտաբանական կենտրոն:

Այս մասին Forrights.am-ին ասել է զինծառայողի հորեղբայրը:

«Անորոշ վիճակի մեջ ենք,  բժիշկները հիմնականում հույս են տալիս, մենք էլ այդ հույսով ապրում ենք»,- ասաց հորեղբայրը:  Վերջինս տեղեկացրեց, որ բժիշկները կասկածում են, որ պայթյունի հետևանքով վնասվել է Վարազդատ Խաչատրյանի սրտի պատը, քանի որ սրտի հատվածում արյուն ու ջուր է հավաքվում:

«Բայց գիտակցությունն ընդհանրապես չի կորցրել, պինդ տղա է»,- ասաց զինծառայողի հորեղբայրը:

Վիրավորում ստանալուց հետո  Խաչատրյանի թոքը Ստեփանակերտում վիրահատել են,  սակայն որոշ ժամանակ անց նրան Երևան տեղափոխելու անհրաժեշտություն է առաջացել:

Զինծառայողը զորակոչվել է Արարատի մարզից, և երեք շաբաթ անց լրանալու է նրա ծառայության ժամկետը: