Դալայ Լաման կոչ է արել երկխոսություն սկսել ԻՊ-ի հետ

Tert.am-ը գրում է.

Դալայ Լաման կոչ է արել երկխոսություն վարել «Իսլամական պետություն» ահաբեկչական խմբավորման հետ: Ինչպես փոխանցում է Lenta.ru-ն` այս մասին տիբեթյան բուդդիստների հոգևոր առաջնորդը հայտարարել է իտալական La Stampa պարբերականին տված հարցազրույցում:

«Անհրաժեշտ է լսել, հասկանալ, այս կամ այլ կերպ հարգանք դրսևորել: Այլ եղանակ մենք չունենք», - կարծիք է հայտնել Դալայ Լաման:

Վերջինս ընդգծել է կարեկցանքի մասին, որն անհրաժեշտ է ցուցաբերել բոլոր կողմերին: «Ամեն մարդ իր սեփական կրոնն ու իր ճշմարտությունն ունի, բայց հասարակության մեջ պետք է տարբեր կրոններ  ու տարբեր ճշմարտություններ լինեն»,- ընդգծել է հոգևոր առաջնորդը: