ԲՀԿ-ն համարում է, որ սահմանադրական հանրաքվեն անցկացվել է բարձր որակով. Վահան Բաբայան
13:00 , 7 դեկտեմբեր, 2015
Tert.am-ը գրում է.Ընդhանուր առմամբ սահմանադրական հանրաքվեն անցել է շատ բարձր, նորմալ մակարդակով: Լրագրողների հետ զրույցում ասաց ԱԺ ԲՀԿ խմբակցության քարտուղար Վահան Բաբայանը:
Իսկ ինչ վերաբերում է խախտումներին, ապա Բաբայանն ասաց, թե «դրանք խոսակցություններ ու բամբասանքներ են, ու եթե ավելի լուրջ մոտենանք, պիտի դիմենք իրավապահ մարմիններին, որոնք պիտի զբաղվեն այս հարցով»:
Լրագրողներից մեկի դիտարկմանը, թե ընտրությունները խայտառակ են անցել, Բաբայանը չհամաձայնեց՝ նշելով. «Խայտառակ ձեր մեկնաբանությունն է: Եթե եղել են խախտումներ, եթե գիտեք, դիմեք իրավապահ մարմիններին: Ինձ համար կարևորը փաստերն են և Կենտրոնական ընտրական հանձնաժողովի արձանագրած տվյալները՝ ըստ հանձնաժողովների»:
Tert.am-ի հարցին, թե դուք որևէ խախտման ականատես չե՞ք եղել, Բաբայանը պատասխանեց՝ ոչ: