Օբաման Սան-Բերնարդինոյի հրաձգությունն ահաբեկչություն է անվանել

Araratnews.am-ը գրում է.

ԱՄՆ նախագահ Բարաք Օբաման ամերիկյան ժողովրդին ուղղված իր ուղերձում Կալիֆոռնիայի Սան-Բերնարդինո քաղաքում օրերս տեղի ունեցած հրաձգությունն ահաբեկչական գործողություն է անվանել:

Նա նշել է, որ հետաքննությունը շարունակվում է: Այնուամենայնիվ, նախագահն ընդգծել է, որ չկան փաստեր, որոնք կվկայեն, որ հանցագործներն ուղղորդվել են արտասահմանյան ահաբեկչական խմբավորումների կողմից:

Հիշեցնենք, որ դեկտեմբերի 2-ին Սաիդ Ռիզուան Ֆարուք և Թաշֆեն Մալիք անունով անձինք Սան-Բերնարդինո քաղաքում կրակ էին բացել սահմանափակ հնարավորություններով անձանց կենտրոնում, ինչի հետևանքով զոհվել է 14, վիրավորվել` 17 մարդ: