Թուրքիան մտադիր չէ խաթարել Իրաքի ինքնիշխանությունը. Դավութօղլուն՝ Իրաք զորք մտցնելու մասին

Tert.am-ը գրում է.

Թուրքիան մտադիր չէ ավելի մեծ թվով զինվորականներ ուղարկել Իրաքի Նայնավա նահանգ, հայտարարել է Թուրքիայի վարչապետ Ահմեթ Դավութօղլուն:

 

Ինչպես տեղեկացնում է РИА Новости  գործակալությունը, Դավութօղլուն հայտարարել է, թե Թուրքիան ցանկանում է ուժեղացնել Իրաքի հետ հարաբերություններն «Իսլամական պետության» դեմ պայքարում ու չի ցանկանում խախտել Իրաքի ինքնիշխանությունն ու տարածքային ամբողջականությունը:

 

Հաղորդվում է, որ Դավութօղլուն Իրաքի վարչապետին տեղեկացրել է «զինծառայողների ուսումնամարզական առաքելության մասին»:

 

Իրաքի իշխանությունների տվյալներով՝ 4 թուրքական տանկային գումարտակ մտել է Իրաքի Նայնավա նահանգ՝ իբր քրդական աշխարհազորայիններին պատրաստելու ահաբեկիչների դեմ պայքարի համար:

 

Իրաքի արտաքին քաղաքական գերատեսչությունը պահանջել է թուրք զինծառայողներին դուրս բերել Իրաքի տարածքից՝ նշելով, թե նրանց քայլը դիտարկում են որպես «թշնամական գործողություն»: