ԱՄՆ-ում ժամանակակից արվեստի ցուցահանդեսի ժամանակ դանակահարությունը որպես ներկայացում են համարել

ԱՄՆ-ի Մայամի քաղաքում Art Basel ժամանակակից արվեստի` նկարչուհի Նաոմի Ֆիշերի ցուցահանդեսի ժամանակ այցելուներից մեկը դանակահարել է կնոջը, հաղորդում է TMZ-ը:

Նշվում է, որ ցուցահանդեսի այցելուները միջադեպը համարել են ներկայացման մի մաս: Նույնիսկ այն բանից հետո, երբ դեպքի վայր է ժամանել ոստիկանությունը, շատերը չէին հավատում, որ դանակահարությունն իրական էր:

Ոստիկանությունում հայտնել eն, որ կասկածյալը ձերբակալված է:

Կնոջ ստացած վերքերն աննշան են, և նրա կյանքին ոչինչ չի սպառնում: