Թուրքիան սկսել է գազի այլընտրանքային աղբյուրներ փնտրել

19:18 , 4 դեկտեմբեր, 2015

Թուրքիան Ռուսաստանի հետ բնական գազի հնարավոր խնդրի դեմը չկանգնելու համար սկսել է այլընտրանքային աղբյուրներ փնտրել։

Հնարավոր է, որ Թուրքիան գազի պահանջարկը բավարարի Ադրբեջանից և Իրանից, իսկ հեղուկ գազով ապահովի պահեստային քանակը: Թուրքիան այժմ բանակցում է Քաթարի հետ հեղուկ գազի շուրջ: Այս մասին այսօր հայտարարել է էներգետիկայի և բնական պաշարների նախարար Բերաթ Ալբայրաքին, ով նոր է վերադարձել Քաթարից: Նա նաև ասել է, որ կողմերը սկսել են նախապատրաստական աշխատանքները՝ համաձայնագիր կնքելու համար: