Մայր Աթոռ Սուրբ Էջմիածնում ՀՀ ԶՈՒ հոգևոր սպասավորների ժողով է տեղի ունեցել

Tert.am-ը գրում է.

Մայր Աթոռ Սուրբ Էջմիածնում այսօր տեղի է ունեցել ՀՀ ԶՈՒ հոգևոր սպասավորների տարեվերջյան ամփոփիչ ժողովը` գլխավորությամբ ՀՀ ԶՈՒ հոգևոր առաջնորդ Գերաշնորհ Տ. Վրթանես եպիսկոպոս Աբրահամյանի:

 

Այս մասին տեղեկացնում է Մայր Աթոռ Սուրբ Էջմիածնի տեղեկատվական համակարգը։

 

Բանակային կորպուսների հոգևոր պատասխանատուները հանդես եկան հաշվետու զեկույցներով` ներկայացնելով տարբեր զորամասերում ծառայող եկեղեցականների գործունեությունը:

 

Ժողովի ընթացքում մասնավոր անդրադարձ կատարվեց զինվորների հետ տարվող հոգևոր-դաստիարակչական աշխատանքներին, քննարկվեցին նաև առաջիկա ծրագերին և ազգային-եկեղեցական տոներին առնչվող կազմակերպական հարցեր:
 

Վերջում Վրթանես Սրբազանն իր օրհնությունը բերեց բանակի եկեղեցականներին` հորդորելով առավել մեծ նախանձախնդրությամբ շարունակել իրենց նվիրյալ և պատասխանատու ծառայությունը:

 

ՀՀ ԶՈՒ-ում այսօր հոգևոր սպասավորություն է իրականացնում 51 եկեղեցական: