Կահիրեում գիշերային ակումբի վրա նետված «մոլոտովյան կոկտեյլների» հետևանքով 12 մարդ է զոհվել

Tert.am-ը գրում է.

Եգիպտոսի մայրաքաղաք Կահիրեի Ագուզա շրջանում անհայտ անձինք «մոլոտովյան կոկտեյլներ» են գցել գիշերային ակումբներից մեկի ուղղությամբ, ինչի հետևանքով զոհվել է 12 մարդ:

 

Ինչպես հայտնում է The Daily Mail-ը, բացի այդ՝ հարձակման հետևանքով 6 մարդ տարբեր աստիճանի վնասվածքներ է ստացել:

 

Ըստ բրիտանական պարբերականի՝ հանցագործները եղել են 3-ը: Նրանք մոտոցիկլետով անցել են ակումբի կողքով ու պայթուցիկ նյութերը նետել հաստատության ուղղությամբ:

 

Թեև նրանց ինքնությունը դեռևս հայտնի չէ, սակայն տեղեկություն կա, որ հարձակվողներից մեկն ակումբի նախկին աշխատողներից է, ով աշխատանքից հեռացվել էր միջադեպի նախօրեին։