Էրդողանը Ռուսաստանին մեղադրել է «Իսլամական պետության» նավթը գնելու մեջ

Araratnews.am-ը գրում է.

Թուրքիայի նախագահ Ռեջեփ Թայիփ Էրդողանը, ռուսական կողմից իրեն հասցեագրված մեղադրանքներին ի պատասխան, Ռուսաստանին մեղադրել է «Իսլամական պետությունից» նավթ գնելու մեջ, հաղորդում է Interfaks-ը:

«Մենք ապացույցներ ունենք և դրանք ցույց կտանք աշխարհին»,- Անկարայում ելույթ ունենալիս ասել է Էրդողանը:

Նրա խոսքով` գնորդներից մեկը ոմն Ջորջ Հասվանին է, որ ռուսական անձնագիր ունի:

Հիշեցնենք, որ ավելի վաղ Ռուսաստանը Թուրքիային մեղադրել էր ԻՊ նավթի առքուվաճառքի հետ առնչություն ունենալու մեջ: