Անատի Սաքանյանի ծննդյան տոնը սկսվել է կեսգիշերից. դերասանուհու տոնական օրը շարունակվում է

Այսօր դերասանուհի Անատի Սաքանյանը նշում է 24-րդ տարեդարձը: Դերասանուհու տոնական օրը  սկսվել է դեռ կեսգիշերից, երբ Տաթեւիկ Ադումյանը, սիրելի ընկերուհուն անակնկալ պարգեւելով, ճիշտ 24 փուչիկով, տոնական տորթով եւ Անատիի խոսքերով, մեծ քանակի շոմպայններով ուղիղ կեսգիշերին եկել է Անատիի տուն:  Այս, ինչպես եւ դերասանուհու տոնական օրվա շարունակության մասին Life.panorama.am-ին պատմեց հոբելյարը:

«Շատ շնորհակալ եմ բոլոր այն մարդկանց, ովքեր ծնունդս մեկնարկելուն պես, ուղիղ կեսգիշերին եկան եւ շնորհավորեցին ինձ: Իհարկե, առաջինը ծնողներս ինձ շնորհավորեցին, այնուհետեւ եկավ Տաթեւիկը իր մեծ անակնկալով, իսկ ավելի ուշ միացան մյուս ընկերներս ու հարեւաններս: Արդյունքում, մինչև լույս մենք նշեցինք տարեդարձս, իսկ այսօր չքնած պետք է շարունակեմ եւ ոչ պակաս տոնական կերպով նշեմ ծննդյանս օրը»,- պատմեց Անատին: