Իսպանիայի Սահմանադրական դատարանը չեղարկել է Կատալոնիայի անկախության մասին բանաձևը

Իսպանիայի Սահմանադրական դատարանը չեղյալ է հայտարարել Կատալոնիայի ընդունած անկախության մասին բանաձևը:

Ինչպես տեղեկացնում  Reuters-ը` Կատալոնիայի խորհրդարանը նոյեմբերին բանաձև էր ընդունել Իսպանիայից անկախանալու մասին և 18 ամսում անկախ պետության ձևավորման ծրագիր էր մշակել:

Նոյեմբերի 11-ից բանաձևը քննարկվում էր Սահմանադրական դատարանում:

Իսպանիայի կառավարությունն իր հերթին դիմում էր ներկայացրել  Սահմանադրական դատարան` բողոքարկելով Կատալոնիայի անկախության մասին բանաձևը: