Սիրիայի բնակիչը պատմել է ԻԼԻՊ-ի ահաբեկիչների և թուրքերի հիասթափության մասին

Lurer.com–ը գրում է.

«Իսլամական պետություն» ծայրահեղական կազմակերպության կողմից ամբողջությամբ ոչնչացված սիրիական Քոբանի քաղաքի բնակիչը խոսել է այն մասին, թե ինչպես են մարդիկ ողջ մնացել՝  զինյալների և թուրքերի ցանկությանը հակառակ:

Թարգմանիչ Մուսթաֆա Ալին հայտարարել է, որ չի պատրաստվում փախչել իր հայրենի քաղաքից և մուրացկանություն անել օտար երկրում: Տղամարդը հայտարարել է, որ քաղաք է վերադարձել բնակչության ավելի քան 70%-ը, գրում է «Կոմսոմոլսկայա պրավդան»:

Հիմա մարդիկ ապրում են քանդված տներում, երեխաները ուսուցանվում են բաց երկնքի տակ գտնվող դպրոցներում, իսկ կանայք գնում են շուկա:

«Այո, ԻԼԻՊ-ցիներն ու թուրքերը երազում էին, որ մենք մահանանք: Սակայն չի իրականացել» - ասել է Ալի Մուսթաֆան: