Պրիմերայի լավագույն ֆուտբոլիստի մրցանակը նվիրում եմ որդուս. Մեսսի
14:44 , 1 դեկտեմբեր, 2015
«Բարսելոնա»-ի հարձակվող Լիոնել Մեսսին հայտարարել է, որ Պրիմերայի 2014/15 թվականների մրցաշրջանի լավագույն խաղացողի մրցանակը նվիրում է որդուն:
«Այս մրցանակը նվիրում եմ որդուս՝ Տիագոյին: Երբ ես հեռանում եմ նրանից, Տիագոն միշտ զայրանում է և հարցնում. «Նորից պատրաստվում ես գո՞լ խփել»»,- Marca-ն մեջբերում է արգենտինացի ֆուտբոլիստի խոսքերը:
Նախորդ մրցաշրջանում արգենտինացին մասնակցել է 38 խաղերի և 43 անգամ գրավել մրցակիցների դարպասը: Մեսսին գոլային 18 փոխանցում է կատարել: