Վրաստանում 4 մարդ է ձերբակալվել ԴԱԻՇ-ի հետ կապեր ունենալու կասկածանքով
19:00 , 30 նոյեմբեր, 2015
168.am-ը գրում է.
Ահաբեկչական ԴԱԻՇ կազմակերպության հետ համագործակցելու կասկածանքով Վրաստանի պետական անվտանգության ծառայության աշխատակիցները ձերբակալել են 4 մարդու Նասակիրալի (Գուրիա շրջան) գյուղում, հայտնում է sputnik-georgia.ru-ն:
Ձերբակալվածներից մեկի՝ 23-ամյա Ջամբուլ Աբդուլաևի տանը հայտնաբերվել է ԴԱԻՇ-ի դրոշը, ինքնաշեն նռնակ ու ինքնաձիգ:
Այդուհանդերձ, Աբդուլաևի ընտանիքի անդամները հերքում են նրա առնչությունը ահաբեկչական կազմակերպությանը:
4 կասկածյալի ձերբակալության փաստը, ըստ վրացական ԶԼՄ-ների, հաստատել են Վրաստանի պետական անվտանգության ծառայությունում, սակայն զերծ են մնացել մանրամասներ հաղորդելուց:
Ավելի վաղ Վրաստանի խորհրդարանի պաշտպանության ու անվտանգության կոմիտեի նախագահ Իրակլի Սեսիաշվիլին հայտնել էր, որ ըստ վերջին տեղեկությունների, Վրաստանից Սիրիա է մեկնել 50 մարդ: