Ու ձյունը փաթիլ-փաթիլ հավաքում է....


10:47 , 18 դեկտեմբեր, 2012

Ու ձյունը փաթիլ-փաթիլ հավաքում է իմ բառերը,

որ նոր գաղափար ծնի լավ կյանքի։

Ու ձյունը փաթիլ-փաթիլ հավաքում է իմ հույզերը,

որ հյուսի նոր ճանապարհ հույսի,

սիրո ու սպասումի։

Ու ձյունը փաթիլ-փաթիլ հավաքում է իմ սերը,

որ փափուկ վերմակ դառնա իմ անկողնում,

ու ձյունը փաթիլ-փաթիլ հավաքում է իմ ցավերը,

որ պայծառացնի իմ երազներն

ու նոր արահետ  հյուսի՝

դեպի կյանք քայլող երազանքին։

Ու ձյունը փաթիլ-փաթիլ հավաքում է իմ հնչյունները,

որ նոր երգ երգի հաղթանակի։