Ցուկերբերգը դստեր ծննդից հետո երկամսյա արձակուրդ կգնա
13:10 , 21 նոյեմբեր, 2015 
Facebook-ի հիմնադիր և գլխավոր տնօրեն Մարկ Ցուկերբերգը հայտարարել է, որ դստեր ծննդից հետո երկու ամսով արձակուրդ կգնա՝ դստեր խնամքի համար։ Այս մասին նա հայտնել է իր ֆեյսբուքյան էջում։
«Դա շատ անձնական որոշում էր, և ես որոշել եմ, որ երեխայի խնամքի համար երկամսյա արձակուրդ վերցնեմ, երբ ծնվի մեր դուստրը»,- ասվում է հաղորդագրությունում։
Դեռևս հայտնի չէ, թե այդ շրջանում ով կփոխարինի Ցուկերբերգին ընկերության ղեկավարի պաշտոնում։
Հավանական թեկնածուներն են Facebook-ի օպերացիոն տնօրեն Շերիլ Սենդբերգը և արտադրական հարցով փոխնախագահ Քրիս Կոքսը։