Լոս Անջելեսը անօթեւանների քանակով ԱՄՆ-ում առաջատար դիրքեր է զբաղեցնում

Araratnews.am-ը գրում է.

ԱՄՆ քաղաքային եւ բնակարանային զարգացման դեպարտամենտը տեղեկություն է հրապարակել այն մասին, որ Լոս Անջելեսը եւ նրա արվարձանները անօթեւանների քանակով ԱՄՆ-ում առաջատար դիրքեր են զբաղեցնում։ Գրեթե բոլոր անօթեւանները քնում են փողոցում։ 2013թ. քաղաքում անտուն մնացած մարդկանց թիվը աճել էր 55 տոկոսով, հայտնում է «Զագրանիցա»-ն՝ վկայակոչելով Latimes-ը։

Ներկայումս Լոս Անջելեսում ապրում է մոտ 12.5 հազար անօթեւան։ Անտունների ավելի քան 1/3-ը բնակվում է Քալիֆորնիայում։ ԱՄՆ քաղաքային եւ բնակարանային զարգացման դեպարտամենտի քարտուղար Ջուլիան Կաստոյի խոսքով՝ դրա պատճառը վարձակալության բարձր գներն են եւ դաշնային ֆինանսավորման կրճատումը։

Քաղաքային խորհուրդը պլանավորում է ընդլայնել ձմեռային ապաստաններ ստեղծելու իր ծրագրերը։