Ողբերգական դեպք Երևանում. ընտանիքի անդամները չեն հասցրել փրկել ինքնասպանություն գործած քաղցկեղով հիվանդ 47-ամյա տղամարդու կյանքը. ՖՈՏՈՌԵՊՈՐՏԱԺ

Shamshyan.com-ը գրում է.

Այսօր՝ նոյեմբերի 19-ին, ողբերգական դեպք է տեղի ունեցել Երևանում: Ժամը 08:20-ի սահմաններում ՀՀ Տարածքային կառավարման և արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել, որ Թբիլիսյան խճուղի 1-ին շենքի բակում տղամարդու դի կա:

Նույն ահազանգը ստացվել է նաև ոստիկանության Քանաքեռ-Զեյթունի բաժնում: Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են թիվ 5 հրշեջ-փրկարարական ջոկատը և ՀՀ ՏԿԱԻՆ ՓԾ օպերատիվ կառավարման կենտրոնի օպերատիվ խումբը՝ Հարություն Հարությունյանի գլխավորությամբ: Տեղում է նաև ոստիկանության Քանաքեռ-Զեյթունի բաժնի խումբը՝ բաժնի պետ Ավետիք Աբրահամյանի գլխավորությամբ:

Այս պահին տեղում աշխատում են Հայաստանի քննչական կոմիտեի Երևանի քննչական վարչության Քանաքեռ-Զեյթուն քննչական բաժնի քննիչները՝ բաժնի պետի տեղակալի գլխավորությամբ: Ոստիկաններն ու քննիչները պարզել են, որ 16 հարկանի այդ շենքի թիվ 120 բնակարանի բնակիչ, 47-ամյա Գ. Հ.-ն ինքնասպանություն գործելու նպատակով 16-րդ հարկից իրեն ցած է նետել:

Հարևանները ֆոտոլրագրողին ասում էին, որ նա ունեցել է քաղցկեղ ու երբ իրեն ցած է նետել, տան անդամները չեն հասցրել կանխել այն: Փաստի առթիվ Քանաքեռ-Զեյթուն քննչական բաժնում նյութեր են նախապատրաստվում: