Թուրքիան պետք է դուրս գա համակարգային ճգնաժամից. Էրդողան
08:15 , 19 նոյեմբեր, 2015
Թուրքիան պետք է դուրս գա համակարգային ճգնաժամից: Այս մասին հայտարարել է երկրի նախագահ Ռեջեփ Թայիփ Էրդողանը տեղի հեռուստաալիքին տված հարցազրույցում՝ գրում է Trend-ը:
Նրա խոսքով՝ Թուրքիայի առջև կանգնած է կառավարման խորհրդարանական ձևի հարցը:
«Ոմանք այդ հարցն ընկալում են որպես «Էրդողանի անձնական գործ», բայց դա այդպես չէ: Այդ հարցը կդնենք ժողովրդի առջև՝ որը նա կընտրի, այն էլ մենք կընդունենք»,- ասել է Թուրքիայի նախագահը:
«Ժամանակն է ժողովրդին նոր Սահմանադրություն ներկայացնել: Ժամանակն է դուրս գալ համակարգային ճգնաժամից»,- ընդգծել է նա: