Փարիզում գործողության ընթացքում քաղաքացիական անձ է սպանվել

Ֆրանսիայի մայրաքաղաքի Սեն-Դենի արվարձանում ահաբեկիչների և ոստիկանության փոխհրաձգության ժամանակ շարքային քաղաքացի է սպանվել։ Այս մասին հայտնում է Le Figaro-ն։

Քաղաքացիական անձի մահը հաստատել է ոստիկանության աղբյուրը։

Ոստիկանությանը հաջողվել է ձերբակալել 5 մարդու։ Եվս առնվազն 2-ը սպանվել են։

Ֆրանսիայի ՆԳՆ-ն հերքել է ոչ շատ առաջ տարածված տեղեկությունները, թե դեպքի վայրից մեկ ենթադրյալ ահաբեկիչ փախուստի է դիմել։