Ռոբենը կարող է հեռանալ «Բավարիա»-ից՝ Լևանդովսկիի հետ կոնֆլիկտի պատճառով
12:12 , 16 նոյեմբեր, 2015
Մյունխենի «Բավարիա»-ի հարձակվող Արիեն Ռոբենը կարող է հեռանալ ակումբից՝ հարձակվող Ռոբերտ Լևանդովսկիի հետ կոնֆլիկտի պատճառով:
Վերջինս չի ցանկանում խաղալ հոլանդացու հետ և գերադասում է խաղադաշտ դուրս գալ Դուգլաս Կոստայի և Կինգսլի Կոմանի հետ: Ռոբենը նույնպես դժգոհ է, քանի որ չի պատրաստվում զիջել առաջատարի դիրքերը:
«Մանչեսթեր Յունայթեդ»-ը հետևում է հոլանդացի ֆուտբոլիստի շուրջ զարգացող իրադարձություններին և պատրաստ է օգտվել ստեղծված իրավիճակից: «Կարմիր սատանաներ»-ը մտադիր են պայմանագիր առաջարկել 31-ամյա Ռոբենին: Լուի Վան Գալը նշել է, որ հարձակման գծում փորձառու ֆուտբոլիստի կարիք ունի: