Ուտելիք պատրաստող կանայք վնասում են իրենց սիրտը. գիտնականներ

Ուտելիք պատրաստելով՝ կանայք վնասում են իրենց սիրտը, իսկ խոհանոցում երկար ժամանակ անցկացնելը նրանց սպառնում է բարձր ճնշմամբ և ավելորդ քաշով: Այս մասին հայտարարել են Չիկագոյի Ռաշ համալսարանի Բժշկական կենտրոնի գիտնականները՝ փոխանցում է rosbalt.ru-ն:

Նրանց կողմից անցկացված 14 տարվա հետազոտություններին մասնակցել են 42-52 տարեկան 2775 կամավոր կանայք:
Պարզվել է, որ բարձր ճնշում, ճարպակալում և ուղեկցող այլ հիվանդություններ ունեցել են փորձի բոլոր մասնակիցները, սակայն ամենավատ ցուցանիշները նկատվել են այն կանանց մոտ, ովքեր խոհանոցում ուտելիք պատրաստելու վրա շատ ժամանակ են անցկացրել:

Գիտնականների կարծիքով՝ պատճառն այն է, որ կանայք ուտելիք պատրաստելիս ավելի շատ են ուտում, քան ճաշի կամ ընթրիքի ժամանակ: