Փարիզի ահաբեկչության պատասխանը պետք է տա ողջ աշխարհի խաղաղասեր մարդկությունը. Վատիկան
10:36 , 14 նոյեմբեր, 2015
Վատիկանը ցավակցում է Փարիզի ահաբեկչությունների կապակցությամբ և կարծում է, որ պատասխանը պետք է տան բոլոր մարդիկ, ովքեր կողմ են խաղաղությանը: Այս մասին գրում է RIA Novosti-ն՝ հղում անելով Սուրբ գահի ներկայացուցչին:
«Մենք ցնցված ենք խելահեղ ահաբեկչական բռնության և ատելության այս նոր դրսևորումից, որը մենք ամենակատեգորիկ կերպով դատապարտում ենք Հռոմի պապի հետ միասին և բոլոր նրանց, ովքեր սիրում են խաղաղությունը»,- ասվում է Վատիկանի հայտարարության մեջ:
«Սա հարձակում է խաղաղության վրա ամբողջ մարդկության համար, որը պահանջում է վճռական, արդյունավետ պատասխան մեզնից բոլորից»,- ասվում է փաստաթղթում: