Բլատերը դուրս է գրվել

Araratnews.am-ը գրում է.

Միջազգային Ֆուտբոլի Ֆեդերացիաների Միության նախագահ Յոզեֆ Բլատերը դուրս է գրվել հիվանդանոցից:

Այս մասին գրում է Reuters-ը: Բլատերին հիվանդանոց էին տեղափոխել սթրեսի եւ նյարդային վիճակի պատճառով: ՖԻՖԱ-ի 79-ամյա ղեկավարին հոկտեմբերի սկզբին 90 օրով հեռացրել էին պարտականությունների կատարումից: Շվեյցարիայի դատախազությունը հետաքննություն է վարում Բլատերի դեմ գողության և քրեական անփութության կասկածանքով: Նա, մասնավորապես, մեղադրվում է ՈՒԵՖԱ-ի նախագահ Միշել Պլատինիին անօրինական վճարումներ կատարելու համար:

ՖԻՖԱ-ի նախագահի արտահերթ ընտրությունները տեղի կունենան 2016 թվականի փետրվարի 26-ին: