Հեռուստասերիալների հայտնի դերասանը Lexus-ը վարել է ոչ սթափ վիճակում

Shamshyan.com-ը գրում է.

Այսօր` նոյեմբերի 11-ի կեսգիշերին Երևանի ճանապարհային ոստիկանության ծառայողները ճանապարհային երթևեկության կանոնները խախտելու համար Երևանում կանգնեցրել են Lexus մակնիշի 68 NR 888 համարանիշի ավտոմեքենան: Ինչպես հայտնում է ֆոտոլրագրող Գագիկ Շամշյանը, պարզվել է որ ավտոմեքենան վարում է հեռուստասերիալների ճանաչված դերասան Նիկոլայ Եղիազարյանը, ով հանրությանն ավելի շատ հայտնի է` որպես «Դժվար ապրուստ» հեռուստասերիալի Ֆելոն և «Շփացած խելագարներ» հեռուստասերիալի Պաշը:

Ֆոտոլրագրողը հայտնում է, որ Ն. Եղիազարյանը ենթարկվել է բժշկական փորձաքննության և պարզվել է, որ մեքենան վարել է ոչ սթափ (խմած վիճակում), ինչի համար էլ նրա Lexus -ը տեղափոխվել է Երևանի ՃՈ պահպանվող հատուկ տարածք: Նրա մեքենան նախկինում էլ է հանգրվանել «գաի պլաշչադկա», երբ մեքենան վարել էր` չունենալով վարորդական իրավունք, իսկ Ծաղկաձորում էլ վթարի էր ենթարկվել: Ի դեպ` երեկ` «գաի պլաշչադկա», է տեղափոխվել 32 խմած վարորդի ավտոմեքենա:

Ճանապարհային ոստիկանությունը կրկին հորդորում է վարորդներին, որպեսզի չխախտեն երթևեկության կանոնոները , ոչ սթափ վիճակում մեքենա չվարեն և ավտոմեքենաների դիմապակու և կողային ապակիների վրայից պոկեն սև «պլյոնկաները»: