Ավելի լավ մարզիչ «Չելսի»-ն չի գտնի. Սնեյդեր
11:40 , 6 նոյեմբեր, 2015
Հոլանդիայի հավաքականի և «Գալաթասարայ»-ի ֆուտբոլիստ Ուեսլի Սնեյդերը ուրախ է, որ «Չելսի»-ն Ժոզե Մոուրինյոյի գլխավորությամբ առավելության է հասել Կիևի «Դինամո»-ի նկատմամբ:
«Մոուրինյոն ոչ միայն լավ մարզիչ է, այլ նաև հիանալի անձնավորություն է: Նրա թիմը բարդ ժամանակներ է ապրում, բայց Ժոզեն մեծ հարգանքի է արժանի: Որպես մարզիչ նա մեծ նվաճումների է հասել:
«Չելսի»-ն սխալ կգործի, եթե ազատի նրան աշխատանքից: Ավելի լավ մարզիչ լոնդոնցիները, պարզապես, չեն գտնի»,- O jogo-ը մեջբերում է Սնեյդերի խոսքերը:
Հիշեցնենք՝ Մոուրինյոյի գլխավորությամբ Սնեյդերը հանդես է եկել Միլանի «Ինտեր»-ում: