Օրվա բաղադրատոմսը. կաթնաշոռով և դեղձով բուլկի
09:00 , 6 նոյեմբեր, 2015Բաղադրիչներ
- Խմորի համար՝
- ալյուր - 300գր
- շաքարավազ - 60գր
- կարագ - 50գր
- մեղր - 1թ/գդ
- կաթ - 75 մլ
- ձու - 1 հատ
- փխրեցուցիչ - 2թ/գդ
- աղ - 1/2թ/գդ
- վանիլին - 1թ/գդ
- Միջուկի համար՝
- դեղձ - 6 հատ (պահածոյացված)
- շաքարավազ - 50գր
- կաթնաշոռ - 150գր
- օսլա (крахмал) - 1թ/գդ
- ձու - 1 հատ (դեղնուց)
Պատրաստման եղանակ
- Խմորի համար խառնում ենք գոլ կաթի կեսը, մեղրը, փխրեցուցիչը և 2-3 գդալ ալյուրը: Ծածկում ենք ցելոֆանով և թողնում 30 րոպե տաք վայրում:
Ապա ավելացնում ենք ձուն, շաքարավազը, կարագը, վանիլինը, աղը, մնացած կաթը, ալյուրն ու հունցում խմոր: Ստացված խմորը ծածկում ենք ցելոֆանով և թողնում 30 րոպե տաք վայրում: - Հարում ենք կաթնաշոռը, շաքարավազը, ձվի դեղնուցն ու օսլան բլենդերով կամ հարիչով:
- Կտրատում ենք դեղձը կիսալուսնաձև:
- Ապա բաժանում ենք խմորը 8 գնդի, գրտնակում յուրաքանչյուր գունդը, բացում բարակ շերտով, մեջտեղում դնում կաթնաշոռային կրեմը, վրան շարում կտրատված դեղձը և ծալում ենք խմորի մի ծայրը:
- Ծալված ծայրը սեղմում ենք պատառաքաղով (ինչպես ցուցադրված է նկարում), ապա խմորի մնացած չծալված հատվածը բաժանում ենք շերտերի դանակի միջոցով և հյուսում խմորի վրա՝ տալով բուլկիներին գեղեցիկ տեսք:
- Դնում ենք բուլկիները պերգամենտային թղթով պատած տապակի վրա, վրան քսում հարած ձու և թխում ջեռոցում 20-25 րոպե 180 աստիճանում:
-
- Պատրաստի բուլիկիները հանում ենք ջեռոցից և մատուցում:
Այս հրաշալի կաթնաշոռով և դեղձով բուլկու միջուկը կարող եք փոփոխել ըստ Ձեր նախասիրության և մատուցել այն մեկ բաժակ սուրճ լատեի կամ էսպրեսոյի հետ:
- Պատրաստի բուլիկիները հանում ենք ջեռոցից և մատուցում: