ԵԱՏՄ միջոցառումների շրջանակներում Հայաստան կայցելի ՌԴ վարչապետը. Վ. Մատվիենկո

22:12 , 2 նոյեմբեր, 2015

Ռուսաստանի Դաշնության վարչապետ Դմիտրի Մեդվեդևի այցը Հայաստան տեղի կունենա Եվրասիական տնտեսական միության միջոցառումների շրջանակներում:

«Արմենպրես»-ի հաղորդմամբ` լրագրողների հետ հանդիպմանն այս մասին ասաց ՌԴ դաշնային ժողովի խորհրդի նախագահ Վալենտինա Մատվիենկոն: ՌԴ օրենսդիրը չմանրամասնեց այցի ժամկետները, սակայն նշեց, որ վարչապետի այցի մասին կհայտարարվի այն ժամանակ, երբ նման որոշում կայացվի:

ՀՀ վարչապետ Հովիկ Աբրահամյանը Բելառուսի Գրոդնո քաղաքում ԵՏՄ անդամ երկրների վարչապետերի հետ հանդիպման ժամանակ հայտարարել էր, այն մասին, որ ԵԱՏՄ-ում անհրաժեշտ է ակտիվացնել ազգային արժույթով կատարվող փոխադարձ հաշվարկները՝ կարևորելով ռազմավարական ապրանքների փոխադարձ առևտուրը ռուբլով կատարելու և դոլարին կապելուց ազատվելու գաղափարը: