Հայաստանն օդային հաղորդակցություն է հաստատում Լյուքսեմբուրգի հետ

ՀՀ կառավարությունը հոկտեմբերի 29-ի նիստում համաձայնություն տվեց համաձայնագրին ստորագրմանը:

ՀՀ էկոնոմիկայի նախարար Կարեն Ճշմարիտյանը նշեց, որ համաձայնագրի կնքումը կնպաստի երկու երկրների միջև կանոնավոր օդային հաղորդակցությունների ոլորտում հարաբերությունների պատշաճ և լիարժեք կարգավորմանը: ՀՀ էկոնոմիկայի նախարարությունը համաձայնագրի կնքումը համարում է նպատակահարմար:

Համաձայնագիրը նախատեսում է թռիչքների իրականացման 5-րդ և 7-րդ կարգի ազատություն` քաղաքացիական թռիչքների և բեռների տեղափոխման հնարավորություն: