Օրվա բաղադրատոմսը. խնձորով տորթ
09:13 , 29 հոկտեմբեր, 2015Բաղադրիչներ
- Խմորի համար՝
- ալյուր - 300գր
- կարագ - 250գր
- ձու - 2 հատ (դեղնուց)
- վանիլին - 1թ/գդ
- Միջուկի համար՝
- խնձոր - 3 հատ
- շաքարավազ - 5 ճ/գդ
- դարչին - 1ճ/գդ
- ջուր - 1ճ/գդ
- վանիլին - 1թ/գդ
- հյութ կիտրոնի - 1/2թ/գդ
- Վրան քսելու համար՝
- ջեմ ծիրանի - 2թ/գդ
- ջուր - 1թ/գդ
Պատրաստման եղանակ
- Կաթսայի մեջ լցնում ենք ալյուրն ու կարագը և ձեռքով տրորում, մինչև ստանանք փշրանք:
- Ավելացնում ենք ձվի դեղնուցները, վանիլինը և հունցում փափուկ խմոր: Դնում ենք խմորը ցելոֆանի մեջ և տեղափոխում սառնարան 1 ժամով:
- Միջուկի համար կաթսայի մեջ խառնում ենք դարչինը, վանիլինը, շաքարավազը, մանր խորանարդիկներով կտրատված 2 խնձորը, ջուրը և դնում թույլ կրակի վրա ու եփում 25-30 րոպե, մինչև ստանանք խիտ կարամելային զանգված:
- Կեղևազրկում ենք մնացած խնձորը, կտրատում կիսալուսնաձև ու վրան լցնում կիտրոնի հյութը:
Ապա գրտնակում ենք խմորը և դնում ձևամանի մեջ, պատառաքաղով ծակծկում մի քանի տեղից, վրան լցնում պատրաստի խնձորային զանգվածը, ծածկում կիսալուսնաձև կտրատված խնձորի շերտերով և թխում ջեռոցում 30 րոպե 200 աստիճանում: - Առանձին կաթսայի մեջ խառնում ենք ծիրանի ջեմն ու ջուրը, դնում միջին կրակի վրա և հասցնում եռման աստիճանի:
Պատրաստի տորթը հանում ենք ջեռոցից, վրան քսում եփած զանգվածը և թողնում 1 ժամ:
- Ապա հանում ենք ձևամանից, կտրատում և անցնում համտեսելուն:
Մատուցելիս վրան կարող եք շաղ տալ շաքարի փոշի: