Աֆրիկացի քահանան «օծված» գրիչներ է վաճառել, որոնք օգնում են առանց սովորելու քննություն հանձնել

Tert.am–ը գրում է.

Զիմբաբվեի մայրաքաղաք Հարարեում քահանան հայտնվել է տեղի լրատվամիջոցների ուշադրության կենտրոնում, երբ սկսել է հարյուրավոր «օծված» գրիչներ վաճառել  ուսանողներին:

Ինչպես գրում է Oddity central-ը` մարգարե Շամ Հանգուեն պնդում է, որ հրաշք-գրիչները կօգնեն ուսանողներին քննությունները հանձնել անգամ առանց սովորելու:  

Աղբյուրը նշում է, որ երկրում քննությունների շրջանի մոտենալով պայմանավորված` քահանան բավականին մեծ քանակությամբ գրիչներ է վաճառել` 1-20 դոլարի սահմանում տատանվող գներով: Եվ իհարկե, որքան թանկարժեք է գրիչը, այնքան մեծ է հնարավորությունը քննությունն ավելի լավ հանձնելու: