Այսօր Փարիզում Սիրիայի հարցով հանդիպմանը կմասնակցի 10 երկիր. Ռուսաստանը նրանց թվում չէ
17:54 , 27 հոկտեմբեր, 2015
Փարիզը հոկտեմբերի 27-ին Սիրիայի հարցով բազմակողմ հանդիպում կանցկացնի՝ 10 պետությունների մասնակցությամբ՝ հայտարարել է Ֆրանսիայի արտգործնախարար Լորան Ֆաբիուսը։ Այս մասին հայտնում է Interfax-ը։
Ինչպես նշվում է, աշխատանքային ընթրիքին ներկա կգտնվեն գլխավոր գործընկերները, որոնք Ֆրանսիայի հետ ներգրավված են սիրիական ճգնաժամի կարգավորման գործում. Սաուդյան Արաբիա, ԱՄԷ, Հորդանան, Կատար, Թուրքիա Գերմանիա, ԱՄՆ, Իտալիա և Մեծ Բրիտանիա։
Հանդիպումը գումարվել է Ֆրանսիայի կառավարության կողմից՝ սիրիական ճգնաժամի կարգավորման ջանքերի քննարկման համար։