Լիբիայի ափերին 29 ներգաղթյալի մարմին է հայտնաբերվել

Tert.am–ը գրում է.

Լիբիայի ափերին՝ Զլիտեն քաղաքի մոտակայքում, 29 դի է հայտնաբերվել, որոնք, ենթադրաբար, մահացած ներգաղթյալների մարմիններ են:

Երկրի իշխանությունները կարծիք են հայտնել, որ մարդիկ մահացել են` փորձելով ծովով հասնել Եվրոպա, և նրանց նավը ինչ-որ պատճառով ջրասույզ է եղել:

BBC-ի թղթակցի փոխանցմամբ` Հյուսիսային Աֆրիկայի երկրներից հեռացող փախստականներից շատերի համար լիբիական ափն այն վայրն է, որտեղից կարելի է ուղևորվել եվրոպական երկրներ, առաջին հերթին` Իտալիա:

Ինչպես նշվում է` հաճախ գերծանրաբեռնված նավերը խորտակվում են, իսկ ներգաղթյալները` մահանում: