Սմբուկը կօգնի ազատվել ստամոքսի հատվածում ճարպակալումից

168.am–ը գրում է.

Steptohealth.ru կայքը գրում է, որ սմբուկն ամենաօգտակար մթերքներից է: Այն հրաշալի միջոց է բոլոր նրանց համար, ովքեր ցանկանում են ազատվել ավելորդ քաշից: Սմբուկի էներգետիկ արժեքը բավական ցածր է, իսկ դրա օգտակար հատկությունները բավական շատ են: Սմբուկն առանձնանում է հակաօքսիդանտների և հանքանյութերի մեծ քանակով: Այն նաև բազմաթիվ վիտամիններ է պարունակում: 100 գրամ սմբուկն ընդամենը 20 կալորիա է պարունակում: Ընդ որում, սմբուկը հագեցածության զգացում է պարգևում:

Սմբուկը մեծ քանակով ջուր է պարունակում, լավացնում է արյան շրջանառությունը: Այս մթերքի օգտագործումն օգնում է նաև իջեցնել արյան մեջ շաքարի ու խոլեստերինի պարունակությունը: Այն նպաստում է նաև օրգանիզմից ջրի դուրս գալուն: Այն կարող է դրական ազդեցություն ունենալ նաև մաշկի վրա: Սմբուկը պատրաստելու բազմաթիվ եղանակներ կարող եք օգտագործել:

Սմբուկի հյութը՝ նիհարելու համար

• Վերցրեք մեկ մեծ սմբուկ, լավ լվացեք այն, չորացրեք, ապա կտրատեք փոքրիկ կտորներով
• այն դրեք միջին չափի կաթսայի մեջ, վրան ջուր լցրեք: Ջուրը պետք է նվազագույնը ծածկի կտրատած սմբուկի կեսը
• կաթսան դրեք կրակին, սմբուկը եփեք 5 րոպե, սպասեք, մինչև այն սառի
• խորհուրդ է տրվում այն պահել ապակե ամանի մեջ: Սմբուկը հանեք ստացված հեղուկի միջից
• Այն դրեք սառնարանում
• օրական 4 բաժակ խմեք այս հյութից: Առաջին բաժակը խմեք նախաճաշից առաջ, իսկ վերջինը՝ քնելուց առաջ: