«Աշխարհի ամենագեր կինը» նիհարել է 230 կգ (լուսանկար)
22:15 , 19 հոկտեմբեր, 2015
Tert.am-ը գրում է.
Ամերիկուհի Կատրինա Ռեյդֆորդը, որը համարվում էր «աշխարհի ամենագեր կինը», նիհարել է մոտ 230 կգ-ով, հաղորդում է The Huffington Post-ը։
Պարբերականը հիշեցնում է, որ 12 տարի առաջ Ռեյդֆորդը 432 կգ էր կշռում։ Նա իրեն անվանում էր «կես տոննայանոց կին»։
Մանկության տարիներին ամերիկուհին սեռական բռնության է ենթարկվել։ Նա հանգստացրել է ինքն իրեն քաղցրավենիքի և «գաղտնի սնունդ ընդունելու» միջոցով։
2003 թվականին Ռեյդֆորդը շնչառական խնդիրներ է ունեցել, և բժիշկները ստիպված են եղել քանդել նրա տան պատը, որպեսզի «ազատեն» հիվանդին ու հետազոտեն։ Կինը վիրահատվել է և խիստ դիետայով սնվել։ Նրա սննդակարգը բաղկացած է ոչ մեծ քանակությամբ մսից, մրգերից ու բանջարեղենից։
Այժմ կինը մոտ 203 կգ է կշռում, սակայն ամերիկուհին չի ցանկանում կանգ առնել։ Նա պլանավորում է դարձյալ նիհարել ու ազատվել ավելորդ մաշկից։
«Այժմ ես ավելի երջանիկ եմ և ինձ ինքնավստահ եմ զգում»,-ասել է Ռեյդֆորդը։ Նրա խոսքով՝ անցյալ տարի նա գնել է իր առաջին բիկինին։
