Ինչպես կանխել սթրեսը

Կարևոր է կոփվել ոչ միայն ֆիզիկապես, այլև հոգեպես: Այդպես դուք կկարողանաք դիմանալ ցանկացած տհաճ իրավիճակի:

healthinfo.ua-ն ներկայացնում է մի քանի օգտակար սովորություն՝ սթրեսին հեշտությամբ դիմակայելու համար:

1. Լավ քնել
Անքնությունը գլխավոր ախտանիշն է այն բանի, որ ձեր օրգանիզմը գրգռված վիճակում է: Պահպանեք քնի ռեժիմը նյարդերն ավելորդ անգամ չլարելու համար: Համարվում է, որ նորմալ քունը պետք է տևի 7-8 ժամից ոչ պակաս: Բայցև երկար քնել պետք չէ՝ 9 ժամից ավելի քունը սպառնում է արթնանալուց հետո գլխացավով և թույլ վիճակով: Մի պառկեք քնելու կուշտ ընթրելուց հետո: Ավեի հեշտ կլինի քնել, եթե վերջին անգամ ուտեք քնելուց 3-4 ժամ առաջ: Օգտակար է բուսական եփուկներով կամ բուրավետ յուղերով վաննան: Նախընտրությունը տվեք ալոճենու, կալենդուլայի, կատվախոտի, վայրի սուսամբարի, անանուխի, եղինջի ծաղիկներին:

2. Խուսափել աղմուկից
Մարդկանց մեծ մասը չի կարողանում քնել առանց հեռուստացույցի: Էկրանից հաճախ ագրեսիվ տեղեկատվություն է հաղորդվում: Դա մեծացնում է մեր նյարդային համակարգի ծանրաբեռնվածությունը: Հեռուստացույց օգտագործեք միայն որոշակի ծրագրեր դիտելու համար: Մնացած ժամանակն ավելի լավ է լսել հաճելի և հանգիստ երաժշտություն:

3. Ժամանակ անցկացնել մաքուր օդում
Մեր օրգանիզմը թթվածնի մշտական ներհոսքի կարիք ունի: Երկարատև զբոսանքներն անտառում կամ այգում շատ օգտակար կլինեն, կօգնեն հաղթահարել անքնությունը:

4. Խոտաբույսեր
Օգտագործեք կալենդուլայի եփուկ նյարդային բարձր գրգռվածությունը և անքնությունը հաղթահարելու համար: Արևքուրիկն ունի հակադեպրեսանտ հատկություններ:

5. Փոխել սննդակարգը
Լիարժեք և հավասարակշռված սնվելն օրգանիզմին կապահովի բոլոր սննդանյութերով և վիտամիններով: Ավելի լավ է վիտամիններ ստանալ թարմ մթերքներից, բայց եթե դա միշտ չէ, որ հնարավոր է, սննդակարգում ավելացրեք վիտամինա-հանքային համալիրներ:

6. Զբաղվել ֆիթնեսով
Ամենօրյա ֆիզիկական վարժություններն ամրապնդում են ջիլերը, զարգացնում են մկաններն ու ոսկրային համակարգը: Բացի դրանից՝ վարժությունները դարձնում են ավելի հանգիստ և հավասարակշռված:

7. Ամեն ինչին նայել փիլիսոփայորեն
Պետք է ոչ միայն ողջամիտ լինել, այլև վրիպումներն ու անհաջողություններն ընկալել որպես կյանքի բնական բաղադրիչ: Պետք չէ ծայրահեղությունների մեջ ընկնել: Դրականորեն մտածեք:

8. Ճիշտ շնչել
Շնչեք որովայնով: Այդպիսի շնչառությունը արյունը հագեցնում է թթվածնով, բարելավում է աղիների գալարակծկանքը, հանգստացնում է նյարդերը, մերսում որովայնի խոռոչը:

9. Ջրային պրոցեդուրաներ
Նյարդային համակարգն առավել լավ ամրապնդում է լողը: Ջուրը հանգստացնում է, խթանում է մաշկի նյարդային վերջույթները: Առավոտյան օգտակար է կոնտրաստային լոգանքը, այն ամրապնդում է կենտրոնական նյարդային համակարգը: Երեկոյան ընդունեք վաննա կամ տաք լոգանք: