Չպետք է ուրախանալ Թուրքիայում տեղի ունեցած ահաբեկչական գործողության կապակցությամբ

Ժողովուրդ ջան ցավում եմ բայց պիտի նշեմ որ մեր երկրին սպառնացող հնարավոր վտանգների հստակ ու պարզ պատկերացումը մեր այսօրվա հայության ներկայացուցիչներից շատ շատերի մոտ է բացակայում։ Թշնամանքը ունակ է մարդուն կուրացնել ու մղել անհարկի գործողությունների։ 
Թշնամու տունը Աստված կամ բարի մարդիկ թող քանդեն, բայց այնպես քանդեն որ մեր տունն էլ հիմնահատակ չլինի։
Սա է ասածս։ Իսկ Թուրքիայի նման հզոր երկրի ցնցումները ոչ միայն հարևաններին կարող են սպառնալ բազում վտանգներով այլ նաև ողջ աշխարհին։ 
Իրաքը մեզանից ավելի հեռու է քան Թուրքիան, Սիրիան նույնպես։ Արդյո՞ք մենք զերծ ենք մնացել այդ երկու պետություններում տեղի ունեցող արհավիրքներից։ Իհարկե ոչ։
Այնպես որ չպետք է ուրախանալ Թուրքիայում տեղի ունեցած ահաբեկչական գործողության կապակցությամբ։ 
Դարասկզբին մի նման բան էլ մեք իրականացրեցինք ու մինչև այսօր դրա դառը պտուղներն են «վայելում»։