ԵԱՀԿ դիտորդական առաքելությունը սեպտեմբերին կժամանի Ադրբեջան

Lurer.com–ը գրում է.

ԵԱՀԿ դիտորդական առաքելությունն Ադրբեջանում խորհրդարանական ընտրությունների նախօրեին երկրում նախընտրական մթնոլորտի ուսումնասիրության նպատակով կժամանի Բաքու: Ինչպես հաղորդում է «Արմենպրես»-ը` վկայակոչելով ադրբեջանական ԱՊԱ գործակալությունը, պատվիրակության այցը կկայանա սեպտեմբերի 22-ին:

Յորդա Չուկլայի գլխավորած և 7 հոգուց բաղկացած պատվիրակությունը Ադրբեջանում կմնա միայն մինչև սեպտեմբերի 25-ը:

Ադրբեջանում խորհրդարանական ընտրությունները տեղի կունենան 2015 թվականի նոյեմբերի 1-ին: