Կոթիում և Բերքաբերում գիշերը համեմատաբար հանգիստ է եղել. hամայնքապետեր

Tert.am-ը գրում է.

Տավուշի մարզի Կոթի համայնքում գիշերը համեմատաբար ավելի հանգիստ է եղել. այս մասին Tert.am-ին ասաց համայնքապետ Ֆելիքս Մելիքյանը:

«Այդքան էլ լարված չի եղել, էդպես ինտենսիվ կրակոցներ չեն եղել»,-ասաց նա:

Ֆելիքս Մելիքյանը նաև տեղեկացրեց, որ օրեր առաջ Կոթի գյուղում հրազենային վիրավորում ստացած երկու բնակչի (մայր և որդի Նազիկ և Վազգեն Ավդալյաններ) վիճակը բավարար է, բայց դեռևս  հիվանդանոցից դուրս չեն գրվել: «Բայց որևէ լուրջ խնդիր չկա»,-ասաց նա: 

Տավուշի մարզի Բերքաբեր համայնքում ևս գիշերը համեմատաբար ավելի հանգիստ է եղել: Tert.am-ին ասաց համայնքի ղեկավար Արթուր Մադաթյանը: