7 աստղային ընտանիք, որոնք բաժանվել են դայակների պատճառով
04:11 , 5 սեպտեմբեր, 2015Հայտնիները հաճախ ստիպված են դիմել դայակների ծառայություններին, քանի որ իրենք զբաղված են նկարահանումներով և շրջագայություններով: Սակայն երբեմն փոքրիկներին խնամելու փոխարեն վերջիններս իրենց ամբողջ ուշադրությունը ուղղում են նրանց աստղային հայրերին, հայտնում է 7days.ru-ն:
Ո՞վ քանդեց Աֆլեքսի և Գարների ամուսնությունը
Բեն Աֆլեքսի և նրա 3 երեխաների դայակ Քրիստինա Ուզունյանի կապը պատճառ դարձավ Աֆլեքսի և Գարների ամուսնալուծությանը: Այժմ գործից ազատված դայակը և Աֆլեքսը շարունակում են կապեր ունենալ: Աղջիկն արդեն թանկարժեք ավտոմեքենա է ձեռք բերել, ապրում է առանձնատներում, որտեղ 1 գիշերն արժե 1.5 հազար դոլար, և կրում է մոդայիկ դիզայներական առարկաներ:
Սթիվեն Սիգալը աղջկան անվանել է դայակի պատվին
Սթիվեն Սիգալը արդեն հասցրել է ամուսնանալ 4 անգամ, սակայն բաժանվել է միայն 2 անգամ: Նրա 3 երեխաների դայակ Արիսա Վուլֆը այնպես լավ է կատարել իր գործը, որ Սթիվենը իր կրտսեր դստերը անվանել է նրա անունով: Իսկ նրանց սիրավեպի մասին հայտնի է դարձել միայն այն ժամանակ, երբ Արիսան հղիացել է:
Միք Ջագերի ամուսնությունը կեղծ է եղել
Միք Ջագերի երկրորդ կինը` Ջերի Հոլը, 22 տարի շարունակ ներել է ամուսնու դավաճանությունները: Այդ պատճառով Միքի և նրանց փոքր երեխայի դայակ Կլեր Հաուսմանի կապը կնոջը թվացել է անցնող դրվագ: Սակայն երբ Ջերին համենայնդեպս որոշել է բաժանվել, պարզվել է, որ նրանց ամուսնությունը կեղծ է եղել: Ինդոնեզիայում գրանցվելիս նրանք որոշ ձևականություններ չեն պահպանել:
Շվարցենեգերից թաքցրել են որդուն
Լուրերը, որ Առնոլդը դավաճանում է կնոջը, տարածվեցին 2003 թվականին: Սակայն կինը չէր հավատում դրանց, մինչև որ չնկատեց իրենց որդու և տան ծառայող Միլդրեդի որդու նմանությունը: Հետագայում պարզվեց, որ 14-ամյա Ջոժեֆը իրոք Շվարցենեգերի որդին է:
Իթեն Հոուկը դայակին գերադասել է Ումա Թուրմանից
Ումա Թուրմանը իմանալով, որ իր ամուսինը կապ ունի սեփական երեխաների դայակի հետ, ամուսնալուծության դիմում տվեց: Դրանից 3 տարի անց դերասանը ամուսնացավ դայակի հետ և արդեն 7 տարի է՝ նրանք երջանիկ են միասին:
Ջուդ Լոուի հարսնացուն սպառնացել է մրցակցուհուն
Դերասան Ջուդ Լոուն Սեդի Ֆրոստից բաժանվելուց հետո պետք է ամուսնանար Սիենա Միլերի հետ, սակայն դրան խանգարեց երիտասարդ և սեքսուալ դայակը, ում նրանք վարձել էին Ջուդին նկարահանումների ժամանակ օգնելու համար: Իմանալով նրանց կապի մասին՝ Սիենան նույնիսկ սպառնաց դայակին իր աչքին չերևալ:
Գվեն Ստեֆանիի ամուսնու սիրախաղը դայակի հետ կործանեց նրանց ամուսնությունը
Գվեն Ստեֆանիի և Գևին Ռոսդեյլի ամուսնությունից 2 տարի անց տեղի ունեցած պատմությունը պատճառ դարձավ նրանց բաժանմանը: Երբ Գվենը իմացավ, որ իր ամուսինը նախկին դայակից 15-ամյա աղջիկ ունի, նա ներեց ամուսնուն: Սակայն 13 տարի անց ամուսինը նրան դավաճանեց նոր դայակի հետ, ինչի պատճառով այս ամառ նրանք բաժանվելու դիմում են տվել: