Եգիպտացի միլիարդատերը մտադիր է փախստականների համար կղզի գնել

Եգիպտացի միլիարդատեր Նագիբ Սավեյրիսը մի շքեղ նախագիծ է ցանկանում իրականացնել, գրում է  “Российская Газета”-ն: Նա դիմել է Հունաստանի ու Իտալիայի իշխանություններին` մի կղզի վաճառելու խնդրանքով, որը նա պատրաստվում է գաղթականներով բնակեցնել:

«Հունաստան կամ Իտալիա, վաճառեք ինձ  մի կղզի, որը ես անկախ կհռչակեմ ու այնտեղ կհրավիրեմ գաղթականներին, աշխատանքի տեղեր կստեղծեմ, որ նրանք իրենց համար նոր պետություն կառուցեն»,- Twitter-ի իր էջում գրել է Սավեյրիսը:

Հաղորդագրությունը պատահական չի հասցեագրվել նաև Հունաստանին: Միլիարդատերը կարծում է, որ ֆինանսական խնդիրներ ունեցող  Հունաստանը կարող է  գոնե մի կղզի զիջել: